मुंबई मेरी जान

आज मातृ दिन सर्व मातृतुल्य असणाऱ्यांना शुभेच्छापण आज विषय थोडा वेगळा सुचला थोडं वेगळं लिहिण्याची इच्छा झाली.

जवळजवळ दोन महिने होत आले कोरोना मुळे मुंबईतच नव्हे तर संपूर्ण देशात भयंकर परिस्थिती निर्माण झाली आहे, नव्हे नव्हे तर संपूर्ण जग भरात कोरोना च्या महामारीने हाहाकार माजवला आहे. लोक घरी बसून आहेत प्रशासन सगळ्यांना सहकार्य करत आहे, पोलीस, डॉक्टर, सरकारी कर्मचारी, प्राणी मित्र व इतर सर्वच जे समाजकार्य करीत आहेत अशांना खरच सलाम आहे. पण खरंच आज प्रत्येक जण आपल्या जीवाला भिऊन आपल्या गावी, राज्यात परतत आहेत आज ह्या मुंबईतून सर्वच जण आपल्या गृही परतत आहेत. पण खरंच आज ही मुंबई ह्या मुंबईने आज जगातून आलेल्या सर्वानाच आपल्या जवळ घेतलय कुशीत घेतलं ही मुंबई कधी कोणाला उपाशी नाही झोपू देत. प्रत्येकाची आपल्या लेकरा प्रमाणे काळजी घेते आज त्या मुंबईत संकट आलेल आहे आज आपण ह्याच आपल्या मुंबईची आपल्या आईची काळजी घेणं गरजेचं आहे, कारण जो कष्ट करतो त्याचा साठी दोन वेळेचे घास ही मुंबई घेऊन नेहमीच तत्पर असते. दररोज लोकल मधला प्रवास रोज मुंबईतील आपल्या कामानिमित्त फिरणं ह्या सगळ्या गोष्टीची खूप आठवण येत आहे अगदी हे सगळेच जण नक्कीच करत असतील. रात्री, दिवसा, मध्यरात्री नेहमीच चालू असणारी लोकल किंवा बस सेवा या सगळ्यांचीच आठवण वारंवार होत आहे. या आपल्या मुंबई विषयी लिहावं तितकं कमी आहे आठवणी इतक्या आहेत की त्या जर लिहायला सांगायला बसलो तर शब्द अपूरे पडतील. रोज पाहणारे पर्यटक, अभ्यासक असे रोज नवनवीन चेहरे आम्ही यात पाहतच असतो. पदो पदी ही मुंबई आम्हांला शिकवते अशी ही मुंबई आमची आईच आहे. पुन्हा लवकर मुंबईत जायची इच्छा आहे लवकर भेट होउदे बस हीच प्रार्थना त्या परमेश्वराकडे आहे. झटणाऱ्या सर्वच हातांना यश दे आमची मुंबई लवकरच पुन्हा निरोगी होउदे आणि आमच्या सर्वच जणांची रोजी रोटी तयार करणारी मुंबई लवकरच तत्पर होउदे...